साईड इफेक्ट्स

  "साईड इफेक्ट्स' बघितला. 



ज्यूड लॉ, रूनी मारा, कॅथरीन झिटा जोन्स, चॅनिंग टेटम

सायकॉलॉजीकल थ्रिलर चित्रपट आहे. रूनी मारा व चॅनिंग टेटम नवरा बायको आहेत. तो ट्रेडिंग मधे मोठ्या चुका करून चार वर्षांसाठी तुरुंगात जाऊन आला आहे. रूनीला नैराश्याने घेरलेले असल्याने ती भीतींवर कार नेऊन धडकवते व आत्महत्येचा प्रयत्न करते. तेथून सायकॉलॉजीस्ट ज्यूड लॉकडे तिचे उपचार सुरू होतात. वेगवेगळ्या औषधांचे सगळे उपाय थकल्यावर ते क्लिनिकल ट्रायल मधे नुकतेच सुरू असलेले औषध तिच्या जुन्या थेरपिस्ट - कॅथरीन झिटा जोन्सच्या मदतीने सुरू करतात. त्याच्या साईड इफेक्ट्सने झोपेत चालायला लागून रूनी शिमला मिरची चिरताचिरता नवऱ्यालाच चिरून टाकते व सरळ झोपायला निघून जाते. 


तेथून गुंतागुंतीची कथा सुरू होते व कथा वेगही धरते. ज्यूडचे मानमरातब जाऊन सगळीकडे वेगळाच रंग या केसला धरायला लागतो. कारण त्याने केलेल्या प्रिस्क्रिप्शनच्या प्रयोगाला ही बळी पडली आहे अशा वदंता/ वावड्या मिडीयात सुरू होतात. तिला मनोरुग्ण असल्याने शिक्षेतून सूट मिळणार असते व सगळा दोष चुकीच्या औषधाचा व साईड इफेक्ट्स चा असल्याने तिला काही दिवस मेंटल हॉस्पिटलमध्ये राहून घरी सोडवण्याची तरतूद करण्यात येते. ज्यूड मात्र पूर्णपणे अडकून जातो, त्याची प्रॅक्टिस बुडण्याची वेळ येते. तेव्हा काही हिंट्स मिळत जातात व ही मनोरुग्ण नसून कॅथरीन व हिचे प्रेमप्रकरण असून दोघींनी मिळून ह्याला अडकवण्याचा प्लॅन केलेला असतो. हा खून त्या दोघींचा कट असतो. ते तो रूनीकडून सिद्ध करवून घेतो व दोघींनाही शिक्षा होते. "डबल जेपर्डी" मुळे रूनीला पुन्हा शिक्षा होऊ शकत नसते पण एक वेगळीच खेळी खेळून तिला मनोरुग्णालयात अडकवून टाकण्यात ज्यूड यशस्वी होता. अशा रितीने दोघींनाही आपल्या दुष्कृत्यांची शिक्षा होते. शेवट अगदी आटपाट नगरातील गोष्टीसारखा सुखांत आहे. 


चित्रपट इंट्रेस्टींग आहे पण मला खूप काही आवडला नाही. अस्पष्ट संवाद फेक वाटत होती. ज्यूडचे काम सर्वात जास्त आवडले, रूनीचेही चांगले आहे. मला थोडा कंटाळवाणा वाटला. काही भाग कळला नाही, सुरवातीला एंगेजिंग वाटला नाही. कथेला पकड घ्यायला पाऊण तास लागला आणि सिनेमा पावणेदोन तासांचा आहे. एकंदरीत बघणेबल कॅटॅगरी वाटला. सायकॉलॉजीकल थ्रिलर हा जॉन्रा आवडणाऱ्यांना कदाचित जास्त आवडेल.

-------------


यावरून 'पेन हसलर्स' आठवला. तो यापेक्षा जास्त चांगला होता. पेन मेडिकेशन, इन्शुरन्स, प्रिस्क्रिप्शनच्या काळ्या धंद्यावर आहे. तो रेको देईन. एमिली ब्लंट जबरदस्त काम करते. हा थ्रिलर नाही, नेटफ्लिक्सवर आहे. हल्लीच युनायटेड हेल्थ केअरच्या सीईओचा मॅनहॅटनमधे दिवसाढवळ्या खून झाला. त्याचाही ह्या इन्शुरन्सच्या गोरखधंद्यासोबत व पेन मेडिकेशनच्या आहारी जाण्यासोबत मोठा संबंध आहे व तो कसाकसा आहे ह्याची थोडीफार कल्पना येते. अमेरिकेत राहणाऱ्यांना जास्त चांगला समजेल. 

https://www.maayboli.com/node/86233?page=2#google_vignette

*डबल जेपर्डी - अमेरिकेतील संविधानातील कायद्याच्या पाचव्या अमेंडमेंट नुसार एकाच माणसाला एकाच गुन्ह्यासाठी दोनदा शिक्षा होऊ शकत नाही. 

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

मोड तो आए छांव ना आए - अर्थात Midlife मधली मनाची तगमग

इमेज
---------------------------- चाळीशी ते साठीच्या दरम्यान आयुष्य निरर्थक वाटणं, ध्येय किंवा उद्दिष्टांबाबत गोंधळ होणं किंवा ती नाहीत असं वाटणं, आपल्या अपेक्षेनुसार एखादं नातं उंचीवर गेलं नाही ह्याची तळमळ वाटणं, आपण आता जे करत आहोत त्याची पाळंमुळं आपल्या बालपणात शोधत बसणं. आयुष्यातल्या बऱ्याचशा गोष्टींना न स्वीकारता आल्याने दिशाहीन वाटणं, धड तरुणही नाही आणि धड म्हातारंही नाही अशी शरीराची सुद्धा चढावरून उताराला लागायची सुरुवात नकोशी वाटणं. वरवरच्या कलकलाटात आतून रिक्त वाटत रहाणं - याला ढोबळपणे Mid life Crisis म्हणता येईल. पण हे याच वयात अशाच पद्धतीने व्हायला हवं याला काही आधार नाही. शंभर वर्षे आयुष्य  गृहीत धरून मध्यावर जे स्थैर्य मिळते किंवा ज्या स्थैर्यासाठी अथक झगडलो ते मिळाल्यावर त्याला काही विशेष अर्थ नव्हताच असं लक्षात आल्याने अडकल्यासारखे वाटून जी घुसमट होते त्या प्रकारातील मानसिक द्वंद्वाला- संभ्रमाला हेच वय असायचं कारणही नाही.  हे जन्मभर अधुनमधून वाटूच शकतं. कुठलंही 'वाटणं' अगदी निराधारही नसतं. विचारपूर्वक घेतलेले निर्णय एवढे चूक निघाले, इतरांनी माझ्यासाठी घेतलेले निर्णया...
अधिक वाचा

हृता

इमेज
        हृता        आज मला तोच दिवस आठवतोयं ज्यादिवशी तुला , तुझी आई व मी पहिल्यांदा 'देवी अहिल्याबाई होळकर' अनाथाश्रमात पहायला आलो होतो. तीन साडे तीन वर्षांची असशील, भेदरलेल्या डोळ्यांनी इकडेतिकडे बघत लाईनमधे एका ताईचा हात धरून टुकूटुकू बघत होतीस. तुझ्या आईला एक मिनिटही लागला नाही ओळखायला. तिने सरळ मिठीच मारली तुला. तुला बघताक्षणी तुझ्या प्रतिक्षेत काढलेली प्रदीर्घ वर्षे कुठे गळून पडली काय माहिती , काही आठवेनासं झालं. आईने व मी मिळून केलेले सगळे पेपरवर्क देऊन उरलेल्या औपचारिकता पूर्ण केल्या. आता दोन आठवडे ट्रान्झिशन मधे तुला घेऊन सगळे शहर फिरत तुझे तीन वर्षातले सगळे कौतुक करत फिरत होतो. नाही म्हणायला धाकधूकही होतच होती, तुला फक्त गुजराती यायचं तेही भीत भीत काहीसं अस्पष्ट बोलायचीस. छोटा शब्दकोश ताबडतोब घेऊन टाकला. पण तिथल्या संचालिका मालतीताईंच्या मते दत्तक मुलांपेक्षा आईवडील जास्त घाबरतात. त्यांच्यामते सगळ्यात अशक्त आणि किरकिरे मूल तू होतीस. आता तू थोडीच विश्वास ठेवणारेस, फार फोटोही नाहीत दाखवायला. तिथे तुला सगळे मिनी म्हणायचे , आईला ते नावच वाटल...
अधिक वाचा

12th Fail (Hindi movie)

इमेज
  12th Fail सुरेख जमलाय.  खूप आवडला. विक्रांत मेस्सी ह्रितिक एवढा ग्लॅमरस नाही म्हणून त्याला टॅन करून जे तांबडं केलं आहे ते फार खटकत नाही. ह्रतिक साक्षात रोमन देवता आहे, त्याला सर्वसाधारण दाखवणं अशक्य आहे. सुपर ३० आवडला होता. बघताना तुलना केली गेली नाही. त्याचं शरीरही किरकोळ आहे, त्यामुळे तो गिरणीत काम करताना ज्या हालचाली करतो त्या एकदम आदर्श वाटल्या आहेत. पांढरपेशे एवढे चपळ नसतात, हालचालीत चिवटपणा नसतो. आपल्याला त्यांच्या सारखं तासनतास उकिडवं बसता येत नाही, आपण मागच्या मागे पडतो. ते फार काटक असतात... ते त्याने फारच छान दाखवले आहे. पटकन भोरगं टाकून कुठंही अंग टाकतात. त्याने बाबा आल्यावर कसं झटकले तसं, मैत्रिणीलाही किती प्रेमाने स्टूल स्वच्छ करून दिला. मला त्या दोघांचे प्रेम फारच आवडले, त्या वयात जसं उच्छृंखल प्रेम असतं, त्याचा लवलेशही नव्हता. अतिशय पोक्त आणि समजदार नातं होतं. इतक्या प्रतिकूल परिस्थितीतही त्याने जी जिद्द, चिकाटी आणि तत्त्वनिष्ठता दाखवली त्यानं भरूनच आलं. त्याच्या मित्रांनी दिलेला सपोर्टही कौतुकास्पद, 'आपल्या सगळ्यांची लढाई आहे ही' म्हणतो. हे कळणं किती प्रगल्भ आ...
अधिक वाचा